من اناعلى قبرك وقفت ...
وقفت على قبرك ثاني العيد
صار اول العيد يوم وقفت اناجيك
جيتك وقلبي كله شوق وحنين
جيت أشاركك فرحة العيد ما تعودت منك عني تغيب
جيت اقول اللي بخاطري وانثره بين اياديك
غصيت بعبرتي يوم الجواب منك ما جاني
ما تعودت منك هذا
تذكرت ايام عيد يوم كان العيد فيها سعيد
تذكرتك وانت تستقبلني في مجلسك صباح العيد
والعصر يوم تجي لجدتك تعايدها
تذكرت ضحكتك و يوم ترفع الصوت بترحيب
واليوم يوم زرتك غيرت مجلسك وما جاني منك صوت
يمكن جيتي لك بالصبح بدري
وانت بعدك من النوم ما صحيت
معذور يا روح قلبي ومسموح
نام وتهنى في نومتك وعيدك سعيد
يا قلب خالك ما عليك بحتريك
حتى تصحى من نومتك
وتقول هذا أنا صحيت
اضافة تعليق